125 pang PNP personnel tinamaan ng COVID-19; 2 pa ang pumanaw
Nakapagtala ng 125 pang tauhan ng Philippine National Police (PNP) na tinamaan ng COVID-19.
Sa datos ng PNP-Health Service may naitala ring dalawa pang pumanaw.
Nakapagtala naman ng dagdag na 169 na pulis na gumaling sa sakit.
Ayon kay PNP chief, Gen. Debold Sinas, ang nasawi ay isang 40-anyos na pulis na nakatalaga sa Mountain Province matapos magkaroon ng Acute Respiratory Failure at isang 49-anyos na pulis na nakatalaga sa General Santos City na mayroong comorbidity.
Sa kabuuan ay umabot na sa 18,531 na PNP personnel ang nagpositibo sa COVID-19. Sa nasabing bilang 2,276 ang active cases.
