LOOK: Mga motorista hinimok ng MMDA na gamitin ang Mabuhay Lanes

Hinikayat ng MMDA ang mga motorista na gumamit ng Mabuhay Lanes sa kanilang pagbiyahe.

Sa mga ibinahaging larawan sa kanilang opisyal na social media accounts, ipinakita ng MMDA ang mapa ng mga Mabuhay Lane Routes sa Metro Manila.

Kabilang dito ang ruta patungong Carriedo sa Maynila.

Ang alternatibong ruta mula North to South na sa halip na baybayin ang EDSA ay daanan ang mga loobang kalsada sa Quezon City, San Juan, Mandaluyong at Makati.

Ruta patungong Greenhills, San Juan; Divisoria sa Maynila, at maging ang patungng Baclaran.

Ayon sa MMDA, maiibsan ang pagsisikip ng daloy sa mga pangunahing lansangan gaya ng EDSA kung gagamitin ang mga Mabuhay Lanes.

Patuloy ang ginagawang paglilinis ng MMDA sa mga obstruction sa Mabuhay Lanes para masiguro ang maginhawang biyahe dito ng mga motorista.