Mahigit 3,000 stick ng yosi tinangkang ipuslit sa selda sa Caloocan; isiniksik sa lechon manok at pansit
Hindi nakalusot sa masusing inspeksyon ng mga jail guard sa Caloocan City Jail ang mahigit 3,000 sticks ng sigarilyo na tinangkang ipuslit papasok sa selda.
Natuklasan nina JO1 Francisco, JO1 Gardeno, JO1 Sarmiento at JO1/T Yecla ang 3,240 stick ng sigarilyo na isiniksik ng isang dalaw sa loob ng lechon manok, face mask, fresh milk at pancit bihon.
Hindi ito ang unang pagkakataon na nagtangkang magpasok ng kontrabando ang mga dalaw ng Caloocan City Jail.
Noong July 6, ay 140 na stick din ng sigarilyo ang nakuha matapos madiskubre na inipit pala ang mga ito sa loob ng saging saba.
