School Year 2021-2022 pormal na magbubukas sa Sept. 13 ayon sa DepEd
Inaprubahan ni Pangulong Rodrigo Duterte ang petsang Sept. 13, 2021 bilang unang araw ng School Year 2021 -2022.
Batay ito sa rekomendasyon ni DepEd Sec. Leonor Magtolis Briones.
Nagpasalamat naman ang DepEd kay Pangulong Duterte sa suporta nito upang maihatid ang dekalidad na edukasyon sa gitna ng nararanasang pandemya.
Mananatiling blended learning ang iiral sa SY 2021-2022.
Ayon sa DepEd, maglalabas ng maglalabas sila ng school calendar sa lalong madaling panahon. (Dona Dominguez-Cargullo)
