BREAKING: Pamahalaan nagpatupad na din ng travel ban sa mga biyahero ng galing ng Indonesia
Inaprubahan ni Pangulong Rodrigo Duterte ang rekomendasyon na maisama ang bansang Indonesia sa sakop ng pinaiiral na travel restrictions ng pamahalaan.
Ayon kay Presidential Spokesperson Harry Roque, simula alas 12:01 ng madaling aaw ng Biyernes, July 16 bawal nang pumasok sa bansa ang mga biyahero na nanggaling o mayroong travel history sa Indonesia sa loob ng nakalipas na 14 na araw bago ang kanilang nakatakdang pagdating sa bansa.
Tatagal ang travel restrictions hanggang alas 11:59 ng gabi ng July 31.
Ang mga pasahero nadarating sa bansa bago mag alas 12:01 ng madaling araw ng July 16 ay papayagan pa ding makapasok ng Pilipinas.
Sasailalim sila sa 14 na araw na facility quarantine.
Ang iba pang mga bansa na sakop ng travel restrictions ng gobyerno ay ang ed India, Pakistan, Bangladesh, Sri Lanka, Nepal, United Arab Emirates, at Oman.
