Publiko pinag-iingat ng Meralco sa mga scammer
Inabusuhan ng Meralco ang publiko na maging maingat sa mga scammer na nag-aalok na ipagbabayad sila ng bill para hindi na sila maghintay sa pila.
Ayon sa pahayag ng Meralco, nakatanggap sila ng ulat kaugnay sa ilegal na aktibidad na nagaganap sa Meralco Business Centers (BC).
May mga tao umano na kunwari ay nag-aalok na ipagbabayad sila ng Meralco bill para hindi na pumila.
Paalala ng Meralco agad ireport sa Business Center ang ganitong aktibidad.
Paalala pa ng Meralco, dapat bayaran ang Meralco bill sa authorized payment channels, at mag-transact lamang sa Meralco at payment partner personnel. (Dona Dominguez-Cargullo)
