Lalaki arestado makaraang mang-hit and run ng mga binanggang sasakyan sa QC at Maynila

Arestado ang isang lalaki makaraang makipaghabulan sa mga otoridad mula sa bahagi ng Quezon City hanggang sa makarating sa lungsod ng Maynila.

Kinilala ang suspek na si Arvin Tan na nagmamaneho ng isang kulay itim na BMW.

Nakuhanan pa sa CCTV si Tan na mabilis na minamaneho ang kaniyang sasakyan at sinalpok ang isang tricycle sa Sampaloc, Maynila.

Pero matapos ang insidente, diretsong pinaandar ng suspek ang sasakyan.

Pero lumabas sa imbestigasyon na hindi lang ang tricycle driver ang inararo ng suspek.

Nabatid na bago ito ay mayroon nang iba pang sinalpok na sasakyan si Tan.

Batay sa imbestigasyon, nag-check in si Tan sa hotel sa Quezon City pero sa halip na magbayad ay siya pa ang humingi ng pera sa manager ng hotel.

Tinakasan ng suspek ang hotel kaya nagkaroon ng habulan at doon siya nagsimulang mambangga ng mga sasakyan.