San Juan City Cong. Ronaldo Zamora apat na beses nang nabakunahan kontra COVID-19

Apat na beses nang nabakunahan kontra COVID-19 si San Juan City Congressman Ronaldo Zamora.

Ikinwento ito ni Zamora sa idinaos na seremonya sa lungsod araw ng Lunes (July 12) kasabay ng pag-aanunsyo na nakamit na ng pamahalaang lungsod ang 100 porsyento ng target population para mabakunahan kontra COVID-19.

Kwento ni Zamora, noong Disyembre ay nabakunahan siya ng Sinopharm at nakadalawang doses siya nito.

Pero dahil wala pang Emergency Use Authorization noon ang Sinopharm wala siyang maipapakitang katibayan na siya ay vaccinated na.

Hindi aniya niya magagamit ang pagtuturok sa kaniya ng Sinopharm para makabiyahe siya sa ibang bansa.

At dahil siya ay immuno compromised, pinayuhan din siya ng kaniyang mga doktor na magpaturok ng booster shoot.

Ani Zamora tumanggap na siya ng booster shot hindi lamang isang beses kundi dalawang beses kaya apat na beses na siyang nabakunahan kontra COVID-19. (Dona Dominguez-Cargullo)