121 bagong kaso ng COVID-19 naitala sa Eastern Visayas; 1 pang pasyente ang nasawi
Nakapagtala ng dagdag na 121 na bagong kaso ng COVID-19 sa Eastern Visayas.
Batay sa datos ng Department of Health- Eastern Visayas, hanggang alas 11:00 ng umaga ngayong Sabado, December 12, ang total number of COVID-19 cases sa rehiyon ay 9,421 na.
May naitala namang dagdag na 56 pang gumaling kaya ang total recoveries ay umabot na sa 8,773 (93.12%).
Habang isa pa ang naitalang pumanaw kaya ang total deaths ay nasa 103 (1.09%) na.
Sa ngayon nasa 545 (5.78%) ang active cases sa rehiyon.
