Comelec magbubukas ng mas maraming satellite registration sites sa mga mall ng Robinsons

Dahil nalalapit na ang pagtatapos ng voter registration, target ng Commission on Elections (Comelec) na madagdagan pa ang voter registration sites upang mas marami ang makahabol sa pagpaparehistro.

Ayon kay Comelec spokesperson James Jimenez, lalagda ang poll body sa isang kasunduan sa Robinsons para makapaglagay ng registration sites sa kanilang mga branch.

Sa ilalim ng lalagdaang kasunduan, magkakaroon ng registration booths sa mga mall ng Robinsons sa NCR, Central Luzon, Northern Luzon, South Luzon Central Visayas, Western Visayas, Easftern Visayas at Mindanao.

Magiging limitado lang ang pagtanggap ng mga aplikante sa mga mall site kada araw bilang pagsunod na rin sa mall hours.

Ayon kay Jimenez, ilalabas ng Comelec ang pinal na listahan sa sandaling maging available na ang schedule. (Dona Dominguez-Cargullo)