12-anyos na bata patay sa sunog sa San Andres, Maynila
Nasawi ang isang 12-anyos na bata sa sunog na naganap sa San Andres, Maynila.
Nagsimula ang sunog pasado alas 9:00 ng umaga ngayong martes, Nov. 24 sa bahagi ng Diamante Street.
Umabot lang sa 1st alarm ang sunog at naideklarang fire out 10:30 ng umaga.
Nang maapula ang apoy ay nakita ng mga bumbero ang wala nang buhay na batang lalaki.
Batay sa kwento ng kaanak ng bata, sinubukan nila itong balikan at sagipin sa 2nd floor ng bahay subalit mabilis na lumaki ang apoy.
