Mahigit 2.8 million na katao fully-vaccinated na ayon sa DOH
Mayroon nang mahigit 2.8 million na indibidwal ang fully-vaccinated na ayon sa datos na inilabas ng Department of Health (DOH) at National Task Force Against Covid-19.
Batay sa vaccine statistics na inilabas ngayong araw ng Lunes (July 5) umabot na sa 11,708,029 doses ng bakuna ang naiturok na.
Sa nasabing bilang, 8,839,124 ang para sa 1st dose at 2,868,905 na indibidwal ang nabigyan na ng 2nd dose.
Sa nakalipas na pitong araw, umaabot sa 254,141 ang average daily administered doses ng COVID-19 vaccine.
Nakasaad din sa datos na mayroon nang 256,431 na nasa A5 category (poor population) ang nabigyan na ng unang dose ng bakuna at 227 sa kanila ang nabigyan na ng second dose. (Dona Dominguez-Cargullo)
