Pagtanggap ng vaccination appointment at pagbabakuna sa Valenzuela City inihinto muna dahil wala nang suplay ng bakuna
Inihinto muna pansamantala ang pagtanggap ng vaccination appointment at pagbabakuna sa mga vaccination site sa Valenzuela City.
Ayon sa abiso ng Valenzuela City LGU, ito ay habang naghihintay ng karagdagang supply ng bakuna mula sa pamahalaang nasyonal.
Nakasaad sa abiso na magpapatuloy muli ang pamamahagi ng appointment letter sa sandaling dumating na ang mga bagong suplay ng bakuna.
Sa mga naka-schedule naman ng kanilang second dose, tiniyak ng Valenzuela City LGU na makatatanggap pa din sila ng second dose dahil naka-reserba na ang suplay para dito. (Dona Dominguez-Cargullo)
