Nasawi sa military plane crash sa Sulu umakyat na sa 45

Umakyat na sa 45 ang bilang ng mga nasawi sa pagbagsak ng military plane sa Patikul, Sulu.

Lulan ng C-130 military plane ang mga tropa ng militar mula Cagayan de Oro nang malampasan ng piloto ang runway sa Jolo.

Ayon sa mga saksi, may nakita silang mga sundalo na nagtalunan mula sa eroplano bago ang pagbagsak nito.

Nang bumagsak sa ground ang C-130 ay sumabog ito at nagliyab.

Kabilang sa nasawi ay 42 sundalo.

May nasugatan namang 53 na kinabibilangan ng 49 na sundalo at 4 na sibilyan. (Dona Dominguez-Cargullo)