Eroplanong sinasakyan ni Sen. Manny Pacquiao patungong Los Angeles nag-emergency landing sa Japan

Nag-emergency landing sa Haneda Airport sa Japan ang eroplanong sinasakyan ni Senator Manny Pacquiao na patungo sana ng Los Angeles.

Kinumpirma ito ni Atty. Tom Falgui, abogado ni Pacquiao at kasama sa nasabing eroplano.

Ayon kay Falgui nagkaroon ng medical emergency ang isang pasahero ng Flight PR102 MNL-LAX.

Umalis si Pacquiao lulan ng nasabing flight at umalis ng Manila July 3 ng gabi.

Binigyan muna ng emergency medical support ang pasahero sa Haneda Airport bago bumalik ng Pilipinas ang eroplano. (Dona Dominguez-Cargullo)