All-time high COVID-19 vaccination administered record naitala sa Maynila

Naitala ng pamahalaang lungsod ng Maynila ang all-time high COVID-19 vaccination administered record noong Sabado, July 3.

Ayon sa datos mula sa Manila Health Department, mula umaga hanggang gabi ng Sabado ay umabot sa 42,645 ang kabuuang bilang ng bakuna na naiturok.

Pinakamataas ito sa loob ng isang araw mula nang umpisahan ang vaccination program sa lungsod.

Ngayong araw ng Linggo, July 4 ay 42,596 na bakuna ang nakalaan para sa 1st dose vaccination sa lungsod.

Mayroon namang 49 doses na nakalaan para sa second dose. (Dona Dominguez-Cargullo)