LOOK: Paglilikas sa mga residente sa Laurel, Batangas
Tumulong ang Philippine Coast Guard (PCG) at Philippine Air Force (PAF) sa paglikas sa mga residente sa ilang barangay sa Laurel, Batangas.
Ayon sa PCG mayroong 39 na residente mula sa Sitio Duhat at San Gregorio sa Laurel ang inilikas.
Paghahanda ito sa posibleng epekto ng pag-aalburuto ng Bulkan Taal matapos itaas sa alert level 3 ang status nito
Ang mga inilikas na pamilya ay dinala sa San Gregorio Integrated School na matatagpuan sa Sitio Kulit na kasalukuyang nagsisilbi bilang evacuation center. (Dona Dominguez-Cargullo)
