Nasawi sa gumuhong gusali sa Florida umakyat na sa 18; 147 pa ang nawawala
Umakyat na sa 18 ang bilang ng mga nasawi sa gumuhong gusali sa Florida.
Ayon sa mga otoridad, mayroon pang nawawalang 147, anim na araw makalipas maganap ang pagguho ng Florida Condominium Complex.
Ayon kay Miami-Dade County Mayor Daniella Levine Cava, na-recover ang bangkay ng 6 pang biktima araw ng Miyerkules.
Kabilang sa mga nasawi ay dalawang bata na edad 10 at 4.
Patuloy pa ang imbestigasyon sa kung ano ang naging dahilan ng pagguho ng 40 taon nang gusali.
Nasa 300 otoridad na kinabibilangan ng mga bumbero, pulis, engineers, environmental safety experts at iba pa ang nagtutulung-tulong sa search and rescue oprations.
(Dona Dominguez-Cargullo)
