May-ari ng pabrika na nagpasweldo ng barya sa kanilang empleyado ipatatawag ni Mayor Rex Gatchalian
Ipatatawag ni Valenzuela City Mayor Rex Gatchalian ang may-ari ng isang pabrika na nagpa-sweldo ng barya sa kanilang empleyado.
Ayon sa empleyado, ang tinanggap niyang P1,056 na sweldo ay ibinigay sa kaniya ng puro barya at nakalagay sa plastik.
Ang mga barya ay binubuo ng tig-5, 10, 25 sentimos at piso.
Nakausap na ni Gatchalian ang mga kinatawan ng pabrika dahil ang mga may-ari umano nito ay nasa out of town.
Ayon sa alkalde, kailangan niyang makausap mismo ang may-ari tungkol sa nangyari.
Tinawag ni Gatchalian na “cruel and unusual” labor practice ang ginawa ng pabrika sa kanilang empleyado.
Maituturing aniyang pangmamaliit at pangiinsulto ang ginawa ng may-ari ng pabrika ng paswelduhin ng barya ang kanilang manggagawa. (Dona Dominguez-Cargullo)
