Atty. Larry Gadon dapat patawan ng parusa ng KBP at IBP dahil sa malisyosong pahayag laban kay PNoy ayon kay Sen. Gordon

Mariing kinondena ni Senator Richard Gordon ang malisyosong pahayag ni Atty. Larry Gadon laban sa yumaong si dating Pangulong Benigno Aquino III.

Ayon kay Gordon, walang puwang sa kultura ng bansa ang naging pahayag ni Gadon.

Sinabi ng senador na kailangang agad na humingi ng paumanhin sa pamilya Aquino si Gadon.

Naniniwala din si Gordon na dapat patawan ng parusa ng KBP at ng Integrated Bar of the Philippines ang nasabing abogado.

Sa programa sa isang istasyon ng radyo sinabi ni Gadon na mayroong HIV ang dating pangulo.

Ayon sa grupong Red Whistle, isang support group para sa mga people living with HIV and AIDS, gumagawa na sila ng hakbang para magsampa ng kasong kriminal at disbarment laban kay Gadon.

Ayon sa grupo malinaw na paglabag sa Republic Act 11166 o Philippine HIV Policy Act ang ginawa ni Gadon. (Dona Dominguez-Cargullo)