Halos 6,000 residente ng Montalban, fully-vaccinated na
Nasa halos 6,000 residente ng Montalban sa lalawigan ng Rizal ang fully-vaccinated na.
Sa inilabas na datos ng Municipal Health Office ng bayan ng Montalban, mayroon nang 15,966 na mga residente ang nabakunahan na kontra COVID-19.
Sa nasabing bilang, 5,987 ang tumanggap na ng second dose o maituturing nang fully-vaccinated.
Sa ngayon ay pawang A1, A2, at A3 category ang binabakunahan sa Montalban.
Ayon sa datos, 21,953 na bakuna na ang naiturok sa mga residente ng Montalban.
Mayroon pang 1,166 na natitirang bakuna na gagamitin sa patuloy na pag-rollout ng bakuna ngayong linggo. (Dona Dominguez-Cargullo)
