Gilas Pilipinas nasa Serbia na para sa Fiba Olympic Qualifying Tournament

Dumating na sa Belgrade, Serbia ang Gilas Pilipinas para sa Fiba Olympic Qualifying Tournament.
Sa tweet ng Samahang Basketball ng Pilipinas sinabing nagkaroon pa ng delay sa flight ng Gilas matapos magkaroon ng “aborted takeoff” ang kanilang eroplano sa Istanbul, Turkey.

Nagkaroon ng maiksing layover sa Istanbul ang team bago dumeretso sa Belgrade.

Hindi naman na idinetalye ng SBP ang naranasang aberya, at sinabing ligtas nang nakarating ng Belgrade ang mga manlalaro ng Pilipinas.

Makakalaban ng Gilas ang koponan ng Serbia at Dominican Republic. (Dona Dominguez-Cargullo)