Palasyo nakiramay sa pagpanaw ni dating Pangulong Noynoy Aquino
Nagpaabot ng pakikiramay ang Palasyo ng Malakanyang sa pagpanaw ni dating Pangulong Benigno Aquino III.
Sa kaniyang virtual press briefing saglit na humiling ng katahimikan at panalangin si Presidential Spokesperson Harry Roque.
Ayon kay Roque, mapalad ang bansa sa mga naging kontribusyon at serbisyo ng dating pangulo sa Pilipinas.
Hiniling din ni Roque sa sambayanan na mag-alay ng dasal para sa ikapapayapa ng kaluluwa ng yumaong dating pangulo.
