SC Associate Justice Marvic Leonen nagluksa sa pagpanaw ni dating Pangulong Noynoy Aquino
Nagluksa si Supreme Court Associate Justice Marvic Leonen sa pagpanaw ni dating Pangulong Noynoy Aquino.
Bago maitalaga bilang mahistrado sa Korte Suprema noong 2012 si Leonen ay nanilbihan sa ilalim ng administrasyong Aquino bilang chief negotiator sa peace talks sa MILF.
Sa pahayag inalala ni Leonen ang pagiging mabuting tao, passion sa paninilbihan sa publiko at sipag sa trabaho ng dating pangulo.
Ayon kay Leonen, marami siyang natutunan kay Aquino.
Nakita din umano niya kung paanong nanilbihan si Aquino na may dignidad at integridad.
Ayon kay Leonen, isang malaking karangalan na siya ay nakapanilbihan sa ilalim ng administrasyon ni Aquino.
