BREAKING: Dating Pangulong Noynoy Aquino pumanaw na

Pumanaw ngayong umaga si dating Pangulong Benigno Aquino III sa edad na 61.

Kinumpirma ito ng isang malapit sa pamilya Aquino.

Si Aquino ay isinugod sa Capitol Medical Center ngayong umaga.

Wala pang detalye sa kung ano ang ikinamatay ng dating pangulo.

May mga pahayag na din ng pakikiramay sa social media kaugnay sa pagpanaw ng dating pangulo.

Kabilang sa mga nakiramay ay si Supreme Court Associate Justice Marvic Leonen, si Mae Paner na mas kilala rin bilang Juana Change, gayundin si dating Senator JV Ejercito.

No comment pa sa ngayon ang mga senador na malapit sa dating pangulo.

Si Noynoy Aquino ang ika-labinglimang presidente ng bansa.

Anak siya ng icon ng demokrasya na sina dating Pangulong Cory Aquino at dating Senador Ninoy Aquino.

Nakilala ang administrasyon ni Noynoy Aquino sa “Daang Matuwid” platform nito. (Dona Dominguez-Cargullo)