#MAYPASOK: Araw ng Kapistahan ng San Juan bukas, June 24 hindi deklaradong non-working holiday

May pasok sa lahat ng opisina at paaralan bukas, June 24 sa San Juan City.

Bukas ipagdiriwang ng San Juan ang kanilang kapistahan..

Ayon sa abiso ng pamahalaang lungsod ng San Juan, ang araw ng kapistahan ng San Juan ay hindi isang non-working holiday o special holiday.

Dahil sa pandemya ng COVID-19 hindi muli isasagawa ang tradisyonal o nakagawiang basaan.

Sa halip ayon kay San Juan City Mayor Francis Zamora isang taimtim na ‘Basbasan Sa Makabagong San Juan’ ang gagawin.

Iikot ang karosa ni San Juan Bautista para magsagawa ng pagbabasbas sa iba’t ibang mga barangay sa lungsod. (Dona Dominguez-Cargullo)

4