PNP nakapagtala ng isa pang pumanaw dahil sa COVID-19

Isang pulis pa ang nasawi dahil sa COVID-19.

Ayon sa Philippine National Police (PNP), araw ng Martes (June 22) ay nakapagtala ng 97 na bagong kaso ng COVID-19.

Dahil dito sumampa na sa 26,923 ang kabuuang COVID-19 cases sa PNP.

Sa nasabing bilang 1,840, ang aktibong kaso.

Nakapagtala naman ng dagdag na 123 na gumaling sa sakit.

Umabot na sa 25,011 ang bilang ng mga gumaling na pulis.

Samantala, nadagdagan ng isa pa ang bilang ng mga pulis na pumanaw dahil sa sakit.

Umabot na sa 72 ang death toll sa hanay ng PNP. (Dona Dominguez-Cargullo)