LRT-2 tigil sa operasyon sa dalawang magkasunod na weekends; degraded operations ipatutupad naman kapag weekdays
Mayroong apat na araw na ihihinto ang operasyon ng LRT line 2.
Sa inilabas na abiso ng Light Rail Transit Authority (LRTA), sa June 26 at 27 at sa July 3 at 4 na pumatak ng weekends ay wala munang operasyon ang LRT-2.
Sa mga petsa namang June 23, 24, 25, 28, 29, 30, July 1 at 2 ay magpapatupad ng degraded operations ang LRt-2 at tanging Rectot to Cubao at pabalik lamang ang magiging biyahe.
Paliwanag ng pamunuan ng LRT-2, ito ay para maisagawa ang migration works at testing sa signaling system bilang paghahanda sa pagbubukas ng East Extension Project.
Magtatalaga naman ng mga bus na mayroong rutang Antipolo to Cubao at Cubao to Doroteo Jose para sa mga apektadong pasahero. (Dona Dominguez-Cargullo)
