Mahigit 2 milyong indibidwal fully-vaccinated na
Mayroon nang mahigit 2 milyong indibidwal ang fully-vaccinated na ayon sa datos na inilabas ng Department of Health (DOH) at National Task Force Against Covid-19.
Batay sa vaccine statistics, umabot na sa 8,407,342 doses ng bakuna ang naiturok na.
Sa nasabing bilang, 6,253,400 ang para sa 1st dose at 2,153,942 na indibidwal ang nabigyan na ng 2nd dose.
Sa nakalipas na pitong araw, umaabot sa 208,809 ang average daily administered doses ng Covid-19 vaccine.
Nakasaad din sa datos na mayroon nang 67,185 na nasa A5 category (poor population) ang nabigyan na ng unang dose ng bakuna. (Dona Dominguez-Cargullo)
