1.5M doses pa ng Sinovac vaccine dumating sa bansa

Dumating sa bansa ang karagdagang 1.5 million doses pa ng Sinovac COVID-19 vaccine galing sa China.

1 million doses dito ay binili ng gobyerno habang ang 500,000 doses at binili ng Federation of Filipino Chinese Chambers of Commerce.

Ito ang unang batch ng mga bakuna na duamting sa bansa na inorder ng pribadong sektor.

Ang isang milyong bakuna na binili ng gobyerno ay ipamamahagi sa mga lugar sa bansa na may mataas na kaso ng COVID-19.

Sa ngayon umabot na sa 9 na milyong doses ng bakuna ng Sinovac ang dumarating sa bansa kasama na ang 1 milyong doses na naunang donasyon ng pamahalaan ng China. (Dona Dominguez-Cargullo)