Atty. Chel Diokno kinumpirmang tatakbo siya sa 2022 elections
Kinumpirma ni ng abogado at human rights advocate na si Atty. Chel Diokno na tatakbo siya sa 2022 elections.
Pero ayon kay Diokno, sa ngayon mahirap pang magdesisyon ng pinal kung anong posisyon ang kaniyang tatakbuhan.
Nilinaw din ni Diokno na hindi siya nangarap na tumakbong presidente o bise presidente.
Pero aniya, nakikita niyang mahalaga sa ngayon na magkaroon ng boses ang ordinaryong Filipino at mga kabataan.
Hindi aniya magiging maayos ang sistema kung ang mga nasa pwesto at may kapangyarihan ay hindi nakikita kung ano ang totoong problema.
Sinabi ni Diokno na bilang abogado sa loob ng tatlong dekada na, nakikita niya ng personal ang sitwasyon at alam niya kung paanong aayusin ang justice system ng bansa. (Dona Dominguez-Cargullo)
