7 pang Pinoy tinamaan ng COVID-19 sa ibang bansa
Nadagdagan ng pito pa ang bilang ng mga Pinoy sa ibang bansa na tinamaan ng COVID-19.
Sa datos mula sa Department of Foreign Affairs (DFA) araw ng Martes, June 15, sa kabuuan 20,274 na ang bilang ng mga Pinoy abroad na tinamaan ng COVID-19.
Wala namang nadagdag sa bilang ng mga Pinoy sa abroad na gumaling sa sakit.
Sa kabuuan, 12,085 na ang gumaling habang 6,970 pa ang sumasailalim sa gamutan.
Nasa 1,219 naman ang kabuuang bilang ng mga nasawing Pinoy sa ibang bansa dahil sa COVID-19.
