4 na miyembro ng pamilya kabilang ang dalawang bata natagpuang patay sa Laguna

Patay ang apat na miyembro ng pamilya kabilang ang dalawang bata sa Biñan City, Laguna.

Ayon sa ulat ng CALABARZON Regional Police Office, natagpuan ang walang buhay na katawan ng mga biktima sa kanilang tahanan sa Bonifacio Street sa Barangay Canlalay.

Nakilala ang mga nasawi na sina Johnny Martinez, 46; kaniyang live-in partner na si Jolly Espinas, 41; at mga anak nila na sina Winston, 7; at Brixton, 1.

Ang Ina, at dalawang bata ay nakitaan ng head injuries na pinaniniwalaang sanhi ng kanilang pagkasawi.

Habang ang padre de pamilya na si Martinez ay nakitang nakabigti.

Tinitignang anggulo ng mga otoridad ay pinaslang ni Martinez ang kaniyang mag-iina at saka ito nagpakamatay.