Gen. Eleazar tumanggap na ng unang dose ng COVID-19 vaccine

Nabakunahan na kontra COVID-19 si Philippine National Police (PNP) Chief Police General Guillermo Lorenzo T. Eleazar.

Pinangunahan ni Eleazar ang ceremonial simultaneous vaccination para sa A4 Priority Group sa Multi-Purpose Center sa Camp Crame, Quezon City.

Tumanggap si Eleazar ng unang dose ng Sinovac CoronaVac vaccine.

Si Department of Health (DOH) Assistant Secretary Dr. Maria Francia M. Laxamana ang nagturok ng bakuna kay Eleazar.

Maliban kay Eleazar nabakunahan na din ang iba pang opisyal ng PNP sa simultaneous vaccination na isinagawa sa National Capital Region Police Office (NCRPO), Quezon City Police District (QCPD), Manila Police District (MPD), Southern Police District (SPD), Northern Police District (NPD), Special Action Force (SAF) at PNP Aviation Security Group (PNP-AVSEGROUP). (Dona Dominguez-Cargullo)