113 volcanic tremor naitala sa Bulkang Taal
Sa nakalipas na 24 oras nakapagtala ng 113 na volcanic tremor sa Bulkang Taal.
Nakapagtala din ng mahinang steam-laden plumes mula sa Main Crater ng bulkan.
Nananatiling nakataas ang Alert Level 1 sa Mt. Taal.
Paalala ng PHIVOLCS, maari pa ding magkaroon ng steam-driven o phreatic explosions, volcanic earthquake, bahagyang pagbubuga ng abo at pagbuga ng volcanic gas.
Mahigpit pa ring ipinagbabawal ang pagpasok sa Taal Volcano Island lalung-lalo na sa gawi ng Main Crater at ng Daang Kastila fissure.
