Dating University of Eastern Philippines President patay matapos tangkang looban ang kaniyang bahay sa Northern Samar

Patay ang dating University of Eastern Philippines President na si Rolando Delorino.

Ito ay makaraan ang tangkang panloloob sa kaniyang tahanan sa Catarman, Northern Samar araw ng Linggo (June 13).

Nagtamo si Delorino ng mga tama ng saksak sa kaniyang katawan.

Sa inilabas na pahayag ni University of Eastern Philippines President Cherry Ultra, mariing kinondena ang pagpaslang kay Delorino.

Ayon kay Ultra, base sa inisyal na ulat ng pulisya, pinasok ng hindi pa nakilalang suspek ang bahay ng biktim sa Brgy. Dalakit.

Kasabay nito ay nanawagan ang unibesidad ng hustisya sa pagkamatay ni Delorino. (Dona Dominguez-Cargullo)