Muslim Islamic Cemetery binuksan na

Pormal nang binuksan ang Muslim Islamic Cemetery sa lungsod ng Maynila.

Pinangunahan ni Manila Mayor Isko Moreno ang pagpapasinaya sa libingan ng mga pumapanaw na Muslim sa Manila South Cemetery.

Ayon kay Moreno, ang pagtatayo ng libingan ay katuparan ng pangako sa yumaong si Ghadzali Jaafar.

Magsisilbi aniyang paalala ito sa mga susunod na henerasyon ng mga Filipino na mayroon ng lugar para sa mga Muslim sa Lungsod ng Maynila

Binanggit din ng Alkalde ang mga unang mamamayan sa Maynila at mga nagtanggol gaya nina Raja Sulayman, Raja Bago, Lakandula at iba pa

Dagdag pa ng alkalde, nakikita niya ang paghihirap na dinaranas ng mga pamilyang Muslim na namamatayan ng mga kaanak na hindi malaman kung saan ililibing ang kanilang mahal sa buhay.

Pinaalala ni Moreni, bukas ang libingan sa lahat ng Muslim.

Ang pagbubukas ng makasaysayang Muslim Islamic ay sinaksihan ng mga ambassador at miyembro ng Muslim Diplomatic Community.