Regine Velasquez at Ogie Alcasid fully vaccinated na laban sa COVID-19
Kapwa fully vaccinated na kontra COVID-19 ang mag-asawang Regine Velasquez at Ogie Alcasid.
Sa Instagram posts ng mag-asawa kapwa nila ibinahagi ang larawan matapos mabakunahan ng ikalawang dose ng Sinovac sa Quezon City.
Hinikayat ni Regine ang lahat na magpabakuna na kontra COVID-19 upang makamit ng bansa ang 70 to 80 percent na populasyon na mababakunahan.
Ikinuwento naman ni Ogie na dahil na-expose sila sa isang COVID positive ay kinailangan muna nilang sumailalim sa quarantine ni Regine.
Ayon kay Ogie, “so far so good” matapos silang tumanggap ng second dose ng Sinovac.
