Face shield hindi na dapat i-require sa nakararami, mas mainam na sa ospital na lamang gamitin – Moreno
Naniniwala si Manila Mayor Francisco “Isko Moreno” Domagoso na dapat nang ihinto ang pag-require sa paggamit ng face shield sa general population.
Ayon kay Domagoso dapat ay sa mga ospital na lamang gamitin ang face shield.
Malaking kabawasan aniya ito sa gastusin at intindihin ng taumbayan.
Ani Moreno, ang Pilipinas na lamang ang nagre-require ng pagsusuot ng face shield sa kalsada kumpara sa ibang mga bansa sa mundo.
“Dapat pag-isipan uli ito. Marami na tayong natutunan. We should adjust,” ani Moreno.
