Lungsod ng Puerto Princesa hindi isasailalim sa lockdown
Nilinaw ni City Officer Richard Ligad na walang katotohanan ang impormasyon na magpapatupad ng lockdown ang lungsod ng Puerto Princesa.
Ayon kay Ligad, wala pa namang natatanggap na kumpirmasyon ang City Government sa bagong quarantine classification.
Ito ay sa kabila ng paghingi ng Local Government Unit sa national Inter Agency Task Force na isailalim ang siyudad sa modified enhanced community quarantine (MECQ).
Sa ngayon ay inaantabayanan ng LGU kung magbabago ang quarantine classification sa lungsod. (Jay-Ar Narit)
