Metro Manila, ilang lalawigan sa Luzon nakararanas ng malakas na pag-ulan
Nakararanas ngayon ng malakas na buhos ng ulan ang ilang bahagi ng Metro Manila at mga lalawigan sa Luzon.
Sa inilabas na thunderstorm advisory ng PAGASA, alas 2:14 ng hapon ngayong Lunes, May 31 heavy hanggang intense na pag-ulan na may kaakibat na pagkidlat at malakas na hangin ang nararanasan sa Quezon City at Marikina; gayundin sa bahagi ng Rizal, Zambales, Tarlac, Quezon at Laguna.
Sa susunod na mga oras ay makararanas din ng malakas na pag-ulan sa Pampanga, Bulacan, Batangas, Nueva Ecija, at Cavite.
