Sara Duterte at Bongbong Marcos nagkita sa Davao City
Kinumpirma ni Sen. Imee Marcos ang pakikipagkita niya at kapatid niyang si dating Sen. Ferdinand “Bongbong” Marcos Jr., kay Davao City Mayor Sara Duterte-Carpio.
Ayon kay Senator Imee ang pulong ay nangyari sa Davao City at ito ay isang social gathering.
Hindi aniya tinalakay ang anumang plano o usapin tungkol sa 2022 national elections.
Sinabi ni Senator Imee na ang pagpunta nila doon ng kapatid na si Bongbong ay para batiin si Mayor Sara para sa kaniyang kaarawan.
May 31 ang birthday ni Mayor Sara.
Magugunitang pinalulutang ang tambalang Bongbong-Sara para sa 2022 elections.
Katunayan mayroon nang Facebook page na Bongbong Marcos – Sara Duterte 2022 na binuo.
