20 katao na nagpabakuna kontra COVID-19 sa Muntinlupa City nagwagi ng kalahating kaban ng bigas sa raffle
Nagpa-raffle ng 25 kilong bigas ang sa Barangay Sucat sa Muntinlupa City para sa mga residente nilang nagpabakuna kontra COVID-19.
Sa unang raffle draw, 20 ang nanalo ng tig-25 kilong bigas.
Isinagawa ang unang “Bigas sa Bakuna” raffle araw ng LInggo.
Lahat ng nagpabakuna mula Mayo 24 hanggang Mayo 29 ay pasok sa raffle.
Ayon kay Kapitan Raffy Sevilla ng Barangay Sucat, layunin nitong mahikayat ang kanilang mga residente na magpabakuna.
