Pinakamataas na bilang ng mga nabakunahan sa loob ng isang araw naitala sa Smart Araneta Coliseum mega vaccination site

Nakapagtala ng pinakamataas na bilang ng mga nabakunahan sa loob ng isang araw sa Quezon City.

Ayon sa Quezon City Local Government Unit, noong Sabado, May 29 umabot sa 3,083 ang nabakunahan sa Smart Araneta Coliseum mega vaccination site.

Ito ang pinakamaraming doses na nagamit sa pagbabakuna sa iisang vaccination site ng lungsod sa loob ng isang araw.

Nagpasalamat naman ang pamahalaang lungsod sa medical team at iba pang frontliners na katuwang ng lokal na pamahalaan sa ating vaccination program ng lungsod.