Pamilya ng frontliners kasama sa priority list para sa COVID-19 vaccination program

Aprubado na ng Inter Agency Task Force ang panukalang maisama sa priority list ang pamilya ng mga frontliner.

Ayon kay Senator Richard Gordon, inaprubahan na ng IATF ang kaniyang panawagan.

Batay aniya sa kaniyang pakikipag-usap kay Sec. Vince Dizon, maaari nang mabakunahan kontra COVID-19 ang pamilya ng bawat frontliner.

Kasama dito ang pamilya ng mga economic frontliners tulad ng mga vendors, tricycle at jeepney drivers, waiters, receptionists, at iba pa.

Sinabi ni Gordon na malaking tulong ito para ligtas ang pamilya inuuwian ng mga nasa frontline services.