Dating PBA board chairman Ber Navarro Jr., pumanaw sa edad na 81
Nagluluksa ang Philippine Basketball Association (PBA) sa pagpanaw ng isang longtime official nito.
Inanunsyo ng PBA ang pagpanaw ni Bernabe “Ber” Navarro Jr., sa edad na 81.
Si Navarro ay dating PBA Board Chairman at naging team manager din ng Barangay Ginebra San Miguel franchise.
Si Navarro ang team manager ng Ginebra noong early ’90s kung kailan ‘Añejo Rum’ pa ang pangalan ng team.
Nagpaabot ang PBA ng pakikiramay sa mga naulila ni Navarro.
