1 patay sa engkwentro sa pagitan ng mga sundalo at mga komunista sa CamSur

Patay ang isang miyembro ng communist terrorist group sa engkwentro sa mga sundalo sa Camarines Sur.

Nangyari ang engkwentro sa Sitio Castilla, Barangay Napolidan sa bayan ng Lupi.

Ayon sa ulat ng 9th Infantry Battalion (9IB) nakatanggap sila ng sumbong mula sa mga residente na mayroong mga armadong terorista sa lugar.

Nang dumating sa Sitio Castilla, nadatnan ng mga sundalo ang 15 komunista na pawang mga armado at doon agad nagkaputukan.

Na-recover ng mga sundalo ang isang M16 rifle at apat na anti-personnel mines.