Estudyante hindi nakapagsasagot ng module dahil sa family problem, pinapunta ng guro sa bahay at tinulungan sa modules

“Nandito si teacher para tulungan ka.”

Hindi nakapagsasagot at hindi nakakakuha ng bagong module ang batang ito sa Montalban, Rizal.

Ayon sa kaniyang guro na si Teacher Vanessa Calagui, nang kaniyang makausap ang lola, sinabi sa kaniya nito na nagkasunud-sunod kasi ang kanilang problema sa pamilya.

Maluha-luhang ikinuwento ng lola na nagkasakit pareho ang lolo at tatay ng bata.

Dahil dito, si lola na lang daw ang nag-aasikaso sa bata.

Nagpasya si Teacher Vanessa na papuntahin na ang bata sa kaniyang bahay para tulungan itong tapusin ang kaniyang module.

Natuwa din si Teacher Vanessa nang makitang naka-complete uniform pa ang bata nang dumating.