Operasyon ng LRT-2 balik na sa normal
Nakabalik na sa normal na operasyon ang LRT line 2 ngayong araw ng Martes, May 25.
Kasunod ito ng pagpapatupad ng provisional service ng LRT-2 noong Lunes dahil sa naranasang technical problem.
Simula Lunes ng umaga hanggang sa matapos ang operasyon ng tren ay Cubao hanggang Recto lamang at vice versa ang biyahe.
Walang naging biyahe mula Cubao hanggang Santolan at Santolan to Cubao.
Sa inilabas na abiso ng LRTA Martes ng umaga, full line na muli ang operasyon ng kanilang mga tren.
Ang biyahe ay mula Santolan hanggang Recto at pabalik.
