Saab Magalona nabakunahan na kontra COVID-19; pinuri ang maayos na sistema sa vaccination site sa Ateneo

Nabakunahan na ng kaniyang unang dose ng COVID-19 vaccine si Saab Magalona.

Ayon kay Saab, nagpa-book siya sa pamamagitan ng EZConsult App at pinili ang Ateneo bilang vaccination site.

Alas 12:00 ng tanghali ang kaniyang appointment pero alas 11:50 ng umaga ay nabakunahan na siya.

Sinabi ni Saab na siya ay kabilang sa A3 Priority Group dahil sa kaniyang asthma at allergic rhinitis.

Mabilis aniya siyang natapos at maayos ang proseso.